domingo, 23 de noviembre de 2008

ARTROSE E OSTEOPOROSE




O vindeiro venres 28 de novembro ás 11:30 horas da mañá no local social da asociación, a empresa Galería Salud y Bienestar C.T. presentaranos tratamentos novedosos para a artrose e a osteoporose. A través desta campaña informativa, tratarán de asesorarnos sobre cómo mellorar a nosa calidade de vida, mellorando a nosa saúde. Tan só por asistir obsequiarannos con detalles.



miércoles, 19 de noviembre de 2008

NACEU A NOVA COMISIÓN DE FESTAS DE TRASANQUELOS 2009-2010


Son noviños pero matóns os oito novos componentes da recén nada comisión de festas. Prometen moito, si señores. Ameazan con ir vender polos de limón a Alaska, todo o que faga falta por facer unhas boas festas en Trasanquelos. E é que xa se sabe.... xente nova e leña verde toda é fume peeero.... henche o carro, que nestes casos é do que se trata.
Sabedes que a Asociación de Veciños de Trasanquelos está solidarizada con vós e trataremos de axudarvos no que poidamos.
Moitos ánimos e arriba Trasanquelos!

Non vos perdades o seu simpatiquísimo blog:

http://comisiontrasanquelos.blogspot.es/

miércoles, 5 de noviembre de 2008

¿Quere saber se é rápido dactilografando?

Nesta páxina podes sabelo ata en 20 idiomas, ademáis do galego e castelán. Como vedes eu conseguín 95 palabras por minuto -e iso con uñas largas eh-

Pica neste enlace ou directamente no cadrado da esquerda.

http://galician-speedtest.10-fast-fingers.com/

domingo, 2 de noviembre de 2008

CELEBRAMOS O MAGOSTO



Estimados socios:

Un ano máis, a Asociación de Veciños de Trasanquelos quere convidarvos a celebrar cos vosos veciños o magosto comendo unhas castañas, tomando uns viños e, sobre todo, contando uns contos e pasando un anaco entretido. Esperámosvos o:

DÍA 15 DE NOVEMBRO, ÁS 21:00 HORAS,
NO LOCAL SOCIAL DO CAMPO DA FESTA

martes, 14 de octubre de 2008

Demostración de manexo de gando con cans no Centro de Investigacións Agrarias de Mabegondo

A Xornada "Demostración de manexo de gando con cans" celebrarase o vindeiro venres día 17 de outubro no Centro de Investigacións Agrarias de Mabegondo (Estrada Betanzos-Santiago, Km. 8 - 15318 San Tirso de Mabegondo)

Prazo de inscrición: 14-10-2008 ao 17-10-2008
Teléfono: 981647902 / 981 67 30 75
Fax: 981673656

A xornada desenvolverase en dúas partes, unha primeira teórica e unha segunda práctica.Horario da xornada
9.00 h. Presentación
9.30 h. Exposición de vídeos, explicación da metodoloxía de traballo e outros proxectos (Terapia Asistida con Animais)
11.00 h. Descanso – Café
11.30 h. Demostracións de traballo en campo
14.00 h. Clausura da xornada

Para máis información:
http://mediorural.xunta.es/investigacion/principal/index.php?id=826

lunes, 22 de septiembre de 2008

Calendario de vacinación infantil

No DOG do 22 de setembro de 2008 publícase a Resolución do 12 de setembro de 2008, da
Dirección Xeral de Saúde Pública, pola que se actualiza o calendario de vacinación infantil do programa galego de vacinación. En dita resolución resólvese:

Primeiro.-Incluír a vacina fronte ao virus do papiloma humano en rapazas nadas a partir do 1
de xullo de 1994 segundo vaian cumprindo 14 anos de idade.

Segundo.-O programa de vacinación infantil comprenderá a prevención mediante inmunoprofilaxe activa de:
-Hepatite B.
-Poliomielite.
-Tétano.
-Difteria.
-Tose ferina.
-Sarampelo.
-Rubéola.
-Parotidite.
-Enfermidades invasoras causadas polo Haemophilus Influenzae do serotipo b.
-Enfermidades invasoras causadas por Neisseria meningitidis serogrupo C.
-Varicela.
-Virus do papiloma humano.

Terceiro.-As pautas de vacinación segundo as vacinas serán as seguintes:

Vacina hepatite B: VHB VHB
0 meses: VHB (1ª d.)
2 meses: VHB (2ª d.)
6 meses: VHB (3ª d.)

Vacina da difteria, tétano e tose ferina de tipo acelular: DTPa
2 meses: DTPa (1ª d.)
4 meses: DTPa (2ª d.)
6 meses: DTPa (3ª d.)
18 meses: DTPa (4ª d.)
6 anos: DTPa (5ª d.)

Vacina do tétano e da difteria tipo adulto: Td
14 anos: Td

Vacina inxectable da polio: IPV
2 meses: IPV (1ª d.)
4 meses: IPV (2ª d.)
6 meses: IPV (3ª d.)
18 meses: IPV (4ª d.)

Vacina do Haemophilus influenza tipo b: Hib
2 meses: Hib (1ª d.)
4 meses: Hib (2ª d.)
6 meses: Hib (3ª d.)
18 meses: Hib (4ª d.)

Vacina fronte ao Meningococo C
2 meses: MC (1ª d.)
4 meses: MC (2ª d.)
18 meses: MC (3ª d.)

Vacina fronte ao sarampelo, rubéola e parotidite (triple vírica): TV
15 meses: TV (1ª d.)
3 anos: TV (2ª d.)

Vacina fronte á varicela
12 anos: Varicela (1)

Vacina fronte ao virus do papiloma humano: VPH
14 anos: VPH (2)

1) Persoas que refiran non ter pasado a enfermidade nin recibido esta vacina con anterioridade.
2) Unicamente rapazas, 3 doses: 0, 1, 6 meses.

Esta resolución entrará en vigor o día 29 de setembro de 2008.

martes, 2 de septiembre de 2008

As axudas do Plan Renove de Electrodomésticos poderán solicitarse a partir do 15 de setembro


A Consellería de Innovación e Industria recorda que a partir do 15 de setembro os consumidores xa poderán substituír electrodomésticos antigos por aparatos de alta eficiencia enerxética solicitando as axudas do Plan Renove de Electrodomésticos 2008. Dende o 15 de setembro, o Plan estará en vigor ata o 30 de xuño de 2009.

Pola súa parte, os comerciantes están en tempo (ata o 15) para formalizar a súa adhesión ao Plan Renove, para o cal teñen que cubrir os formularios dispoñíbeis na páxina web do Inega (www.inega.es). No caso dos comerciantes que xa colaboraran co plan o ano pasado non teñen máis que confirmar a documentación entregada ao Inega no seu día ou achegar aquela que sufrise algún cambio. O Inega comunícalles aos comerciantes a aceptación e envíalles as claves necesarias para o acceso á aplicación web.
Innovación e Industria recorda tamén que o Plan Renove 2008 amplía o abano de electrodomésticos subvencionábeis. Se ata o de agora se apoiaba a substitución de lavadoras, lavalouzas e frigoríficos combi, este ano tamén son obxecto de axuda a renovación de fornos eléctricos e placas de cociña de indución e de gas.
A contía das subvencións varía entre os 50 e os 125 euros, en función do electrodoméstico do que se trate e da súa clasificación enerxética, valorándose máis a maior eficiencia. En calquera caso, a porcentaxe de subvención non pode exceder do 25% do custe do aparato.
O usuario só terá que achegarse a un establecemento adherido ao Plan e mercar un dos electrodomésticos citados con eficiencia enerxética clase A ou superior, a un prezo que xa inclúe a minoración do importe da axuda. A continuación, o comerciante cumprimentará o formulario de solicitude que terá ao seu dispor na páxina web do Inega e que asinará o comprador. A relación posterior unicamente se establece entre o Inega e o establecemento comercial, que se compromete a enviar o antigo equipo para a súa reciclaxe e a tramitar no INEGA as solicitudes realizadas a mes vencido coa correspondente documentación para o pagamento do seu importe total por parte do Instituto.

viernes, 29 de agosto de 2008

Curtis axuda aos parados a buscar emprego en Internet

O Concello de Curtis puxo en marcha un taller gratuito para persoas desempregadas. O curso, de 8 horas de duración, comeza o 4 de setembro e axudará aos parados a realizar correctamente o seu currículum vítae e a buscar emprego a través da Internet. Os interesados en participar poden informarse na Oficina Municipal do Concello de Curtis ou no teléfono 981 777 105. As prazas son limitadas.

jueves, 28 de agosto de 2008

Eleccións Xunta de Galicia

Fontes non oficiais comunícannos que non haberá eleccións anticipadas para a Xunta de Galicia.

Charla en Cesuras sobre o Banco de Terras (BANTEGAL)



Charlas informativas sobre o Banco de Terras de Galiza.

No transcurso de cada acto realizarase unha presentación do Bantegal, resolveranse as dúbidas dos asistentes e entregarase material divulgativo.

Cesuras --> CEIP Forte-Bragade - Cesuras
Intervén: J. Juan Rico
Xoves, 28 de agostoÁs 20:00 h.


Curtis --> Cooperativa CUSOVIAME – Santaia
Intervén: J. Juan Rico
Venres, 29 de agostoÁs 20:00 h.


http://www.bantegal.com/

viernes, 22 de agosto de 2008

Curso de aplicador-manipulador de produtos fitosanitarios de nivel básico e cualificado

No DOG do 24 de xullo de 2008 a Consellería de Medio Rural convoca cursos de de aplicador-manipulador de produtos fitosanitarios nivel básico e cualificado que organizarán as oficinas agrarias comarcais e os centros de formación e experimentación agroforestal da Consellería do Medio Rural.

Os cursos están dirixidos a persoas que queiran adquirir un dos seguintes niveis de capacitación:
1.Nivel básico:Dirixido ao persoal auxiliar de tratamentos terrestres e aéreos e aos agricultores que os realicen na súa propia explotación sen empregar persoal auxiliar e utilizando praguicidas que non sexan ou xeren gases clasificados como tóxicos ou moi tóxicos, segundo o disposto no Real decreto 255/2003.
2. Nivel cualificado:Dirixido aos responsables de equipos de tratamento terrestre e aos agricultores que os realicen na súa propia explotación empregando persoal auxiliar e utilizando praguicidas que non sexan ou xeren gases clasificados como tóxicos ou moi tóxicos, segundo o disposto no Real decreto 255/2003.


Cursos de nivel básico:
Período de realización: II semestre
Unidade organizadora: OAC Betanzos

Localidade: Cesuras
Código do curso: 2008.C116
Enderezo: Avda. do Carregal, s/n 15300-Betanzos
Teléfono: 981 77 00 62

Normas dos sorteos e da venda de permisos de pesca en coutos para a tempada 2009

No DOG do 22 de agosto de 2008 a Dirección Xeral de Conservación da Natureza fai pública a Resolución do 11 de agosto de 2008 pola que se fixan as normas dos sorteos e da venda de permisos de pesca en coutos para a tempada 2009.

jueves, 21 de agosto de 2008

Medio Rural iniciará a vacinación preventiva de gando bovino, ovino e cabrún contra a lingua azul


O programa de inmunización da cabana gandeira contra a lingua azul desenvolverase de setembro a decembro de 2008 en Galiza, con dúas doses de dúas vacinas subministradas a un total de 1.400.000 animais. Cataluña e Aragón comezaron a vacinación neste mes de agosto ante o avance da circulación viral en territorios próximos (Francia, Navarra e País Vasco).



A Consellaría do Medio Rural procederá á vacinación de 1.400.000 vacas, ovellas e cabras nos próximos meses fronte aos dous serotipos do virus da lingua azul que poden afectarlle á cabana galega, co obxectivo de controlar a enfermidade a través da actuación preventiva anticipada. Esta vacina non terá custe para os gandeiros, xa que se asumirá con fondos públicos, e se lle aplicará a todos os ruminantes de máis de 3 meses, que quedarán inmunes 60 días despois de recibir a segunda dose.

A constatación do incremento de circulación do virus da lingua azul na Cornixa Cantábrica e a confirmación de novos focos en Euskadi, Cantabria e Asturias, así como a detección de animais infectados incorporados a explotacións galegas procedentes de zonas de risco (de Francia e Alemaña, principalmente) foron determinantes para a toma da decisión de vacinar a cabana galega, xa que esta época do ano coincide coa de máxima actividade do vector (mosquitos do xénero culicoides) o que incrementa o risco de difusión.

Neste momento existe dispoñibilidade de vacina fronte aos serotipos do virus que lle poden afectar á cabana galega. Galiza sumaríase así ás medidas recentemente adoptadas por Cataluña e Aragón, comunidades que actualmente están libres da enfermidade, igual que Galiza, aínda que ameazadas polo seu avance no norte do Estado español e en Europa. Esta actuación preventiva ten o obxectivo de evitar a propagación da epizootía.

Medio Rural solicitou a declaración de Galiza como zona restrinxida ante o Ministerio de Medio Ambiente e Medio Rural e Mariño para a súa publicación no BOE, preceptiva para poder aplicar a vacinación preventiva da lingua azul. A declaración de Galiza como zona restrinxida debida á vacinación non terá repercusión importante no comercio de gando xa que, por unha banda, os animais vacinados terán liberdade de movemento e, por outra, as principais comunidades de destino dos animais galegos menores de 3 meses (destinados a cebo) tamén forman parte da mesma zona restrinxida, polo que non será necesario achegar garantías sanitarias especiais para a realización deses movementos.A Consellaría do Medio Rural lembra que a lingua azul é unha enfermidade vírica que lle afecta exclusivamente ás especies gandeiras, sen ningunha incidencia na saúde pública.

miércoles, 20 de agosto de 2008

Lei 8/2008, do 10 de xullo, de saúde de Galicia

No DOG do 24 de xullo de 2008 (nº 143) sae publicada a Lei 8/2008, do 10 de xullo, de saúde de Galicia.

O título preliminar define o obxecto e o alcance da lei e mais engade unha definición dos principais termos e conceptos que se utilizan ao longo dela.
O título I regula os dereitos e os deberes sanitarios da cidadanía.
O Sistema Público de Saúde de Galicia regúlase no título II.
O título III aclara as diferentes competencias dentro do Sistema de Saúde de Galicia.
O título IV establece o sistema de relación do Sistema Público de Saúde de Galicia con outros países e organizacións internacionais, e coa Unión Europea no capítulo I, coa Administración xeral do Estado no capítulo II e con outras comunidades autónomas, así como coas comunidades galegas no exterior, no seu capítulo III.
No título V regúlase a participación do sector privado de atención sanitaria co Sistema Público de Saúde de Galicia.
O Servizo Galego de Saúde, como principal provedor e integrador de servizos sanitarios de carácter asistencial, é regulado na lei no título VI.
O título VIII está dedicado á ordenación dos empregados e das empregadas do Sistema Público de Saúde de Galicia.
O título IX da lei regula a docencia e a investigación sanitaria.
Para rematar, o título X define o marco institucional de coordinación da atención sociosanitaria en Galicia, expón os principios xerais que deberán regular esta coordinación e crea un instrumento de coordinación: a Comisión Interdepartamental de Coordinación da Atención Sociosanitaria de Galicia.

Axudas e subvencións para o acceso das mulleres á cotitularidade de explotacións agrarias

O Servizo Galego de Promoción da Igualdade do Home e da Muller publica no DOG do 1 de agosto de 2008 (nº 148) a Resolución do 17 de xullo de 2008 pola que se establecen as bases reguladoras que rexerán as axudas e subvencións para o acceso das mulleres á cotitularidade de explotacións agrarias como fórmula de loita contra a discriminación no mercado de traballo, e se procede á súa convocatoria.

O prazo de presentación de solicitudes remata o 30 de outubro de 2008.

Exames ordinarios carné profesional operador gindastre torre

No DOG do 5 de agosto de 2008 (nº 150) a Consellería de Innovación e Industria publica a Resolución do 23 de xullo de 2008, da Dirección Xeral de Industria, Enerxía e Minas, pola que se modifica a do 8 de febreiro pola que se convocan exames ordinarios para a obtención do carné profesional de operador de guindastre torre no ano 2008.

A finalización do prazo de presentación de solicitudes, para a convocatoria de novembro, rematará o 3 de outubro de 2008.

Lei galega de medidas tributarias en relación co imposto sobre sucesións e doazóns

No DOG do 7 de agosto de 2008 (nº 152) a Xunta publica a Lei 9/2008, do 28 de xullo, galega de medidas tributarias en relación co imposto sobre sucesións e doazóns.

jueves, 14 de agosto de 2008

NOITES DE CINE EN TRASANQUELOS



NOITES DE CINE EN TRASANQUELOS
DÍA: VENRES, 15/08/2008 ÁS 21:30h
PELÍCULA: LADYKILLERS


Ficha Técnica

Data de estrea: 26.V.2005
Nacionalidade: Estranxeira (EEUU)
Xénero: Comedia
Duración: 107 minutos
T. Orixinal: LadyKillers
Director: Joel e Ethan Cohen
Intérpretes: Tom Hanks, Irma P. Hall
Palmarés: Gañadora do premio do xurado no Festival de Cannes, Nomeada á Palma de Ouro en Cannes.

CUALIFICACIÓN: TODOS OS PÚBLICOS


Sinopse:
Un excéntrico profesor sureño organiza unha banda de ladróns pouco competentes para roubar o Bandit Queen, un barco casino do Mississippi. Tras alugar un cuarto como base de operacións, fará pasar ao equipo por unha banda musical, que non serán senón un "topo", un experto en demolicións, un xeneral especializado en túneles e un sorprendente forzudo. Pero todos eles pasaron por alto un pequeno inconveniente: a súa caseira.


Noite de Cine 2.008

Subvenciona: DEPUTACIÓN DE A CORUÑA
Colaboración: CONCELLO DE CESURAS

La Xunta reparte subvenciones para la TDT entre 69 municipios

Subvencións aos concellos para estudos de cobertura do sinal, realización de proxectos técnicos e dotación de equipamentos para o servizo de televisión dixital terrestre


Resolución do 28 de xaneiro de 2008 (DOG. nº 24, do 4 de febreiro de 2008), da Secretaría Xeral de Comunicación, pola que se convocan, para o ano 2008, subvencións aos concellos para estudos de cobertura do sinal, realización de proxectos técnicos e dotación de equipamentos para o servizo de televisión dixital terrestre

Remate do prazo de presentación de solicitudes o xoves, 6 de marzo

* Real Decreto 944/2005, de 29 de xullo, polo que se aproba o Plan técnico nacional da televisión dixital terreal
* Orde CTE/1296/2003, de 14 de maio, pola que se desenvolve o Regulamento regulador das infraestructuras comúns de telecomunicacións para o acceso aos servizos de telecomunicación no interior dos edificios e a actividade de instalación de equipos e sistemas de telecomunicacións
* Orde ITC/2212/2007, de 12 de xullo, pola que se establecen obrigas e requisitos para os xestores de múltiples dixitais da televisión dixital terrestre e pola que se crea e regula o rexistro de parámetros de información dos servizos de televisión dixital terrestre
Resolución do 30 de xullo de 2008 do Secretario Xeral de Comunicación: MODALIDADE A
Resolución do 30 de xullo de 2008 do Secretario Xeral de Comunicación: MODALIDADE B
Resolución do 30 de xullo de 2008 do Secretario Xeral de Comunicación: MODALIDADE C

MODALIDADE A: Relación de axudas concedidas para a realización de estudos de cobertura do sinal de televisión no marco de despregamento de infraestructuras de difusión do servizo de televisión dixital terrestre 2008

CESURAS --> 1.500,00 €

viernes, 4 de julio de 2008

Cabalo de pura raza galega

No DOG do venres 4 de xullo de 2008 a Consellería do Medio Rural establece as bases que regularán as axudas para o fomento e mellora do cabalo de pura raza galega e convoca ditas axudas para o ano 2008.

(Para máis información premer no vínculo)

martes, 17 de junio de 2008

8,6 millóns de fondos FEDER para a recuperación da conca do Mandeo

No proxecto integráronse os concellos de Betanzos, Aranga, Bergondo, Cesuras, Coirós, Curtis, Irixoa, Oza dos Ríos, Paderne e Sobrado.

A Deputación da Coruña recibe 8,6 millóns de fondos FEDER para a recuperación da conca do Mandeo

16/06/2008

A Deputación da Coruña recibiu unha achega de 8,6 millóns de euros dos fondos FEDER da Unión Europea para o desenvolvemento do proxecto de recuperación da cunca do Mandeo, actuación na que están integrados os concellos de Betanzos, Aranga, Bergondo, Cesuras, Coirós, Curtis, Irixoa, Oza dos Ríos, Paderne e Sobrado.

Esta achega da UE compleméntase cun investimento doutros 3,8 millóns de euros que a Deputación da Coruña financiará con fondos propios no trienio 2008-2010, segundo o programa de investimentos desenvolvido pola institución provincial. O proxecto do Mandeo terá, en consecuencia, un investimento total de 12.400.000 euros. O presidente provincial, Salvador Fernández Moreda, fixo unha valoración moi positiva do compromiso da Unión Europea con este proxecto, que emana do diagnóstico realizado no Plan estratéxico da provincia, aprobado o pasado ano, e realizado pola Deputación da Coruña, coa colaboración da Fundación Caixa Galicia, e as universidades da Coruña e Santiago de Compostela.

DESCRICIÓN DO PROXECTO

O proxecto MANDEO ten como obxectivo a optimización do uso da auga e a calidade do ecosistema fluvial na conca do río. Para conseguir a rexeneración desta conca construiranse ou melloraranse as infraestruturas de abastecemento e saneamento, crearanse centros de observación e formación, restauraranse áreas degradadas ambientalmente, reducirase a contaminación, realizaranse cursos de formación aos técnicos municipais, campañas de sensibilización da poboación e programas educativos cunha unidade didáctica ambiental.

Crearase unha web do proxecto como leito de participación cidadá e medio de difusión das actuacións que se vaian executando, segundo consta na proposta presentada pola Deputación da Coruña diante da Unión Europea.

viernes, 13 de junio de 2008

REUNIÓN DA ASOCIACIÓN DE VECIÑOS

Convócase a todos os veciños (socios e non socios) de Trasanquelos á reunión da Asociación de Veciños que terá lugar o próximo sábado día 21 de xuño de 2008 ás 21:00 HORAS no local social do campo da festa. É importante a asistencia do maior número posible de veciños xa que queremos dar a todos as mesmas posibilidades de participar nas actividades desta Asociación. Queremos grandes cambios e precisamos a vosa colaboración.

miércoles, 4 de junio de 2008

APROBACIÓN INICIAL DO ORZAMENTO MUNICIPAL DO EXERCICIO 2008 DO CONCELLO DE CESURAS

No BOP nº 123. Venres, 30 de maio de 2008 publicouse o anuncio da aprobación inicial do orzamento municipal do exercicio 2008.

Aprobado inicialmente polo Pleno da Corporación o orzamento xeral para o exercicio económico 2008, a plantilla de persoal e a relación de postos de traballo para o dito exercicio, exponse ao público polo prazo de 15 días hábiles -que empezaron a contar o día 31 de maio-, co fin de que os interesados poidan examinalo e presentar reclamacións diante do Pleno. Se no citado prazo non se presentaren reclamacións o orzamento considerarase aprobado definitivamente, no caso de que haxa reclamacións o Pleno disporá dun mes para resolvelas.

O prazo para presentar reclamacións remata o día 17 de xuño.

lunes, 2 de junio de 2008

lunes, 26 de mayo de 2008

Especialista universitario en deseño e cálculo de estructuras de madeira


Dirixido a titulados universitarios de primeiro e segundo ciclo de carreiras técnicas que desexen adquirir unha formación de especialista da USC nos aspectos de cálculo e deseño de estruturas de madeira para edificación tanto arquitectónica como rural e para proxectos de obra civil.Duración: 17 outubro 2008 - 28 marzo 2009Formato: semipresencialClases presencias: venres 16-21h e sábados 9-14hClases non presenciais: proxecto fin de cursoVisitas a empresas e entidades do sector


Módulos do programa e número de horas (200 totais)


  1. A madeira como material de construción (25 h)

  2. Cálculo estrutural segundo o CTE (30 h)

  3. Deseño de estruturas e CAD aplicado á madeira (30 h)

  4. Realización de proxectos de edificación (10 h)

  5. Realización de proxectos de pontes de madeira (15 h)

  6. Estruturas especiais e casas de madeira (20 h)

  7. Execución de estruturas (5 h)

  8. Intervención en estruturas de madeira (15 h)

  9. Realización de proxecto fin de curso (50 h)


    Prazo de preinscrición: 2 de xuño a 30 de xullo de 2008

Matrícula: 800 € (inclúe software, material didáctico, etc.)


Concederanse 3 bolsas de matrícula.


Outorgarase o premio “CIS-Madeira” ao mellor proxecto fin de curso por unha contía económica igual o importe da matrícula.


Máis información en:


http://mediorural.xunta.es/investigacion/principal/index.php?id=705


http://www.usc.es/emadeira/

domingo, 25 de mayo de 2008

martes, 13 de mayo de 2008

lunes, 12 de mayo de 2008

Convocatoria de estadías de tempo libre para mulleres con responsabilidades familiares non-compartidas










O Servizo Galego de Promoción da Igualdade do Home e da Muller publicou no DOG nº 88 do 8 de maio a Resolución do 30 de abril de 2008 pola que se convocan estadías de tempo libre para mulleres soas con responsabilidades familiares non-compartidas.





Esta resolución ten por obxecto facilitarlles ás mulleres residentes na Comunidade Autónoma de Galicia que teñan fillos ou fillas menores exclusivamente ao seu cargo un espazo e un tempo desligado da súa situación habitual e no cal poidan intercambiar experiencias a través da convivencia nun contorno de ocio.

Convócanse ata un máximo de 95 prazas. As estadías serán de 8 días en réxime de pensión completa, durante a 1ª quincena de xullo. Os gastos de aloxamento, manutención, monitoras e transporte desde o seu concello de orixe serán a cargo do Servizo Galego de Promoción da Igualdade do Home e da Muller.



Prazo de presentación de solicitudes:
10 días, contados a partir do 9 de maio.

Axudas para mulleres que abandonaron os estudos para seren nais


O Servizo Galego de Promoción da Igualdade do Home e da Muller da Xunta de Galicia ven de convocar axudas e subvencións para o retorno á formación das mulleres que abandonaron o proceso educativo para seren nais.


Prazo de presentación de solicitudes: dende o 24 de abril ata o 24 de maio.


Requisitos: Mulleres inactivas ou desempregadas que acceden ao sistema educativo, logo dun período de ausencia por mor da maternidade, a través da matrícula oficial nun ciclo medio ou superior, universitario ou de formación profesional, e cuxos ingresos da unidade familiar sexan inferiores ao quíntuplo do indicador público de renda a efectos múltiples (IPREM) para o ano 2008.

Axudas a emigrantes retornados 2008

A Secretaría Xeral de Emigración convoca axudas extraordinarias a favor de emigrantes galegos retornados e os seus familiares para o exercicio 2008. A resolución ten por obxecto a protección de situacións de necesidade ou precariedade económica derivadas do seu retorno á Comunidade Autónoma de Galicia.

Publicado no DOG nº 67, do 8 de abril de 2008.

Prazo de presentación de solicitudes: desde o 8 de abril ata o 30 de setembro de 2008.

Tipo de axuda: económica, de carácter persoal e de pagamento único, por unha soa vez.

Teléfonos de contacto da Secretaría Xeral de Emigración: 981547271 e 981547273

domingo, 11 de mayo de 2008

Concurso de declaracións de amor a través do correo electrónico


O Consello da Xuventude de Galicia (CXG), coa colaboración da Secretaría Xeral de Política Lingüística, pon en marcha a II Edición de Lingua de Amor, o concurso de declaracións de amor a través do correo electrónico.

Ademais dos premios principais, os 200 primeiros participantes recibirán un agasallo por cortesía da Secretaría Xeral de Política Lingüística.

Prazo: ata o 14 de maio de 2008.

Participa en www.linguadeamor.eu

lunes, 5 de mayo de 2008

Convocadas Prazas Para Que Galegos Residentes No Exterior Poidan Viaxar A Galicia.

Nome de programa: Volver – Á terra

Características: Os beneficiarios estarán durante un período máximo de 14 días, nunha residencia de tempo libre ou noutro establecemento residencial de Galicia xestionado pola Vicepresidencia da Igualdade e do Benestar, programándose actividades e excursións que favorezan o reencontro coa súa terra. Rematada esta estadía, poderán permanecer cos seus familiares en Galicia, ata completar un período máximo de 3 meses, sendo pola súa conta durante este tempo os gastos de aloxamento, manutención e calquera outro gasto derivado da súa estadía.

Resolución: Resolución do 9 de abril de 2008, da Secretaría Xeral de Emigración, pola que se convocan e se regulan as axudas correspondentes ao programa Volver á terra para residentes no exterior, durante o ano 2008.

Destinatarios: As persoas que cumpran os seguintes requisitos:

1. Ser emigrante galego.
2. Ter a nacionalidade española.
3. Residir en América.
4. Ter sesenta ou máis anos de idade contados na data de remate do prazo de presentación de solicitudes
5. Levar polo menos os últimos 15 anos naturais sen participar en programas de viaxes a Galicia desta secretaría xeral.
6. Ser válido por si mesmo e non padecer trastornos psicofísicos que alteren a normal convivencia e que estean en condicións de realizar unha viaxe de longa duración.
7. Ter ingresos inferiores a 1,3 veces o importe das prestacións económicas por ancianidade do Estado español, fixado en 2008 para o país de residencia.

Convocatoria: Diario Oficial de Galicia do 16 de abril de 2008

Prazo: Ata o 16 de maio

Promovido por: Secretaría Xeral de Emigración.

Tipo de axuda: A Secretaría Xeral de Emigración farase cargo da viaxe dos beneficiarios desde os lugares de partida fixados pola secretaría xeral en Iberoamérica ata o lugar de destino designado en Galicia.
A Dirección Xeral de Acción Social da Vicepresidencia da Igualdade e do Benestar colaborará neste programa poñendo todos os servizos de aloxamento e manutención durante o período de estadía na residencia de tempo libre.
Será por conta dos participantes o período de estadía durante a permanencia cos seus familiares en Galicia, unha vez rematada a estadía no establecemento residencial, ata completar un período máximo de 3 meses.

Contacto

Entidades colaboradoras:
* En Brasil:
-Peña Galega da Casa de España de Río de Janeiro.
-Real Sociedade Española de Beneficencia de Salvador-Bahía.
-Sociedade Hispano Brasileira de Socorros Mutuos e Instr. São Paulo.
-Sociedade de Socorros Mutuos e Beneficente Rosalía de Castro en Santos.
* En Cuba:
- Federación de Sociedades Gallegas en La Habana.
* En Uruguai:
-Unión de Sociedades Gallegas de Montevideo.
* En Venezuela:
-Hermandad Gallega de Venezuela en Caracas.
Secretaría Xeral de Emigración:Servizo de Atención Social aos EmigrantesTeléfonos: 981.545.880 - 981.545.547.269Fax: 981.957.055e-mail:
accion.social.emigracion@xunta.es.

Información adicional:
http://galiciaaberta.xunta.es/portal/site/galiciaAberta/menuitem.63d59f4f152d678418e5e567f03900a0/

http://www.xunta.es/dog/Dog2008.nsf/0e5fb445f3681a75c1257251004b10d7/61bd2b3d771fd087c125742c0076c2cf/$FILE/07300D003P008.PDF

miércoles, 30 de abril de 2008

Lista de marcas de aceite certificadas exentas de hidrocarburos. 18:28 29/04/2008

Na páxina web do Ministerio de Sanidad y Consumo (link vinculado) podedes atopar o arquivo en excel e pdf da Lista marcas de aceite no ucraniano certificadas a las 18 28 horas del 29 de abril de 2008

www.msc.es/novedades/aceiteGirasol.htm

martes, 22 de abril de 2008

Axudas á conservación e restauración de bens do patrimonio etnográfico.


Axudas á conservación e restauración de bens do patrimonio etnográfico.


Dirixidas aos propietarios de hórreos, cruceiros, petos de ánimas, pallozas, muíños, fontes, lavadoiros, fornos, pombais e outros elementos etnográficos similares. Axudas de ata 2.000 euros en obras de conservación e mantemento e 6.000 euros en obras de restauración.


Prazo: 09/04/2008 - 15/07/2008


Link da convocatoria no DOG

lunes, 21 de abril de 2008

Membros da nova xunta directiva

Na entrada de benvida ó blog comunicabámosvos que o seu nacemento coincide co cambio de directiva pero non se vos especificaba quenes somos. Supoño que a maioría xa o saberedes pois fóstedes os que nos elixístedes. De todas formas agora que xa están os cargos asignados comunicámosvos que a nova directiva queda formada por:

Presidente: José Ángel Vázquez Pérez
Vicepresidenta: Mª Jesús Sánchez Sánchez
Secretaria: Mª del Carmen Ruzo Barral
Tesoureiro: Santiago Sánchez Rodríguez
Vocais: Vanessa Ruzo Barral
Mª José Sánchez García
Pablo Couceiro González
Concepción Sánchez Sánchez

Esperamos seguir contanto coa participación de todos e cada un dos socios e como non... medrar pouco a pouco. Quenes esteades interesados en ser socios poñédevos en contacto con calquera de nós ou nos teléfonos ou mail de contacto.

Un saúdo

domingo, 20 de abril de 2008

Comeza o prazo de inscrición para o concurso 'Déixao e Gaña 2008'


A Consellería de Sanidade abre o prazo de inscrición para a sexta edición do concurso 'Déixao e Gaña 2008', unha iniciativa para deixar de fumar.

A Consellería de Sanidade convoca a sexta edición en Galicia do concurso Déixao e Gaña, invitando a participar ás persoas maiores de 18 anos que fumen diariamente hai máis dun ano, a deixar de fumar, polo menos, durante catro semanas, do 18 de maio ao 15 de xuño do presente ano. A cambio, poderán gañar -ademais de saúde para eles mesmos e para as súas familias e contorno- viaxes, estadías en balnearios ou outros interesantes premios.
Cada concursante será apoiado por unha ou dúas persoas do seu contorno persoal ou laboral que fan de testemuña, e que o axudarán no seu intento de abandono do tabaco. As testemuñas, no caso de non fumar, tamén terán o seu premio.

Cómo participar

Poderán participar no concurso as persoas maiores de 18 anos, residentes en Galicia, que consuman tabaco a diario, desde hai máis dun ano. O compromiso consiste en non fumar nada durante, polo menos, catro semanas -do 18 de maio ao 15 de xuño-, e as testemuñas, animaranlle a conseguilo.

As persoas interesadas poden inscribirse antes do 18 de maio de 2008, a través do teléfono gratuíto 900 101 164, de luns a xoves, de 9 a 14 horas, e de 16 a 19 horas, e os venres de 8 a 15 horas. A inscrición tamén pode realizarse a través da páxina http://www.deixaoegaña.com/; ou enviando por correo a tarxeta de solicitude –editáronse máis de 300.000- que atopará nos hospitais, centros de saúde, farmacias, concellos, centros administrativos, campus universitarios e entidades colaboradoras da Rede de Centros Promotores de Vida sen Tabaco en Galicia.
Ademais, poderase tamén formalizar a inscrición simplemente depositando a tarxeta de solicitude nas hurnas colocadas nas mesas informativas que se organizarán nos hospitais, centros administrativos, superficies comerciais e outras entidades colaboradoras. Só se admitirá unha tarxeta por participante fumador, aínda que unha mesma persoa pode ser testemuña de varios concursantes fumadores.
Para constatar a abstinencia das persoas participantes, a Dirección Xeral de Saúde Pública, como organizadora, poderá contactar cos participantes e as testemuñas, así como realizarlles as probas diagnósticas oportunas para esa constatación: medición de monóxido de carbono (CO) en aire espirado, e determinación de metabolitos da nicotina na urina.

Premios motivadores ademais de saúde

As persoas que consigan deixar de fumar poderán gañar unha viaxe ao Caribe ou ás Illas Canarias, tres fins de semana con servizo de balneario, un ordenador portátil e unha televisión.
As testemuñas que non fumen poden optar a un cruceiro polo Mediterráneo, dúas fins de semana con servizo de balneario, unha fin de semana de turismo rural, un vale de compra de 300 €, unha cámara dixital, un MP4 ou un navegador GPS.
Ademais, sortearanse diferentes premios especiais: unha fin de semana con servizo de balneario para socios Sanitas, médicos colexiados en Galicia, e farmacéuticos colexiados na Coruña ou en Pontevedra. Para as mulleres embarazadas, un vale de compra de 500 €, e un premio sorpresa para testemuñas que participan no concurso escolar “Clases sen Fume”.


jueves, 17 de abril de 2008

Subvencións a fondo perdido para o remate exterior de vivendas unifamiliares rurais de nova construción

A Consellería de Vivenda e Solo publicou no DOG do 17 de abril de 2008 a Orde do 9 de abril de 2008 pola que se convocan as subvencións a fondo perdido para o remate exterior de vivendas unifamiliares rurais de nova construción e se aproban as bases reguladoras.

O prazo de presentación de solicitudes comezará o día 18 de abril de 2008 e rematará o 16 de xuño de 2008.

link da subvención:

http://www.xunta.es/dog/Dog2008.nsf/0e5fb445f3681a75c1257251004b10d7/ee415a87981c5c4ec125742d005cd92e/$FILE/07400D006P033.PDF

Subvencións para renovación de instalacións eléctricas no interior de edificios e vivendas

A Consellería de Innovación e Industria publicou no DOG do día 16 de abril de 2008 a Orde do 1 de abril de 2008 pola que se establecen as bases reguladoras para a concesión, en réxime de concorrencia competitiva, das subvencións para a renovación de instalacións eléctricas de baixa tensión no interior de edificios e vivendas habitadas na Comunidade Autónoma de Galicia, e se procede á súa convocatoria para o ano 2008 (IN410B).

O prazo de presentación das solicitudes será dun mes contando a partir do día seguinte ao da publicación desta orde no Diario Oficial de Galicia. (Remata o prazo o 17 de maio)

Atoparedes esta subvención con modelo de solicitude, etc. no link:

http://www.xunta.es/dog/Dog2008.nsf/0e5fb445f3681a75c1257251004b10d7/61bd2b3d771fd087c125742c0076c2cf/$FILE/07300D005P023.PDF

lunes, 14 de abril de 2008

Curso en Cesuras de aplicador-manipulador de productos fitosanitarios

No DOG de hoxe (14 de abril de 2008) a Consellería do Medio Rural convoca a través da súa Dirección Xeral de Investigación, Tecnoloxía e Formación Agroforestal cursos de aplicador-manipulador de productos fitosanitarios de nivel básico e cualificado para agricultores, persoal auxiliar e responsables de establecementos e servizos fitosanitarios.

O modelo da solicitude podédelo descargar no anexo I do link

Xunto coa solicitude hai que presentar: fotocopia do DNI ou NIF, dúas fotografías tamaño carné nun sobre pechado e rotulado co nome, apelidos e DNI do solicitante e o xustificante de ter pagado 8,66€ polo dereito á realización das probas de aptitude para a obtención do carné de nivel básico ou cualificado que vos habilitará para exercer como tales en todo o territorio estatal durante 10 anos.

O prazo de presentacións de solicitudes será dun mes (ata o 15 de maio)

Haberá un curso básico en Cesuras durante o 1º semestre organizado polo OAC de Betanzos. Código deste curso 2008.C025 Para máis información chamar ao teléfono 981 77 00 62 ou na Avda. do Carregal, s/n de Betanzos (no OAC)

http://www.xunta.es/dog/Dog2008.nsf/0e5fb445f3681a75c1257251004b10d7/81c9845a067bcfc8c1257428004e4e38/$FILE/07100D008P039.PDF

martes, 8 de abril de 2008

Benvida ao blog


Benvidos ao recén nado blog da Asociación de Veciños de Trasanquelos. Este blog xurde co cambio de directiva, esperamos que o espíritu das novas xeneracións, coa axuda e experiencia das anteriores, dé bos resultados para toda a parroquia e por extensión ao concello de Cesuras e área de influencia.

Supoño xa saberedes que Trasanquelos é unha das 13 parroquias de Cesuras e que comprende os lugares de: A Abeleira, O Briallo, Cabreira, O Carballal, O Casal, A Casavella, Castro de Ares, A Codeseira, A Costa, Fornelos, A Lata de Abaixo, A Lata de Arriba, A Pena, Trasanquelos, O Vilar e Vilavide.

Esperamos que nos visitedes (non só no blog) pois como sabido é por todos: "Cesuras desprende ferrados de saúde".

Un saúdo da nova directiva desta (a vosa) asociación

Trasanquelos a 8 de abril de 2008